Changamoto ya kupatikana muafaka wa kupunguza hewa ukaa

Watalaamu wa masuala ya hali ya hewa wamesema matokeo ya mazungumzo muhimu ya hali ya hewa yanayoendelea kwa miaka mingi yanaweza kukumbwa na utata kuhusu kukosekana muafaka kwenye kipengele kinachohusu namna ya kupunguza hewa ukaa inayoathiri mazingira. Lisa Fischer, mchambuzi wa jopo la E3G amesema huku ulimwengu ukipitia mwaka unaokabiliwa na joto kali, mioto na jamii zinazokumbana na mafuriko, wahusika katika mazungumzo ya COP28 lazima watoe majibu kulingana na tathmini ya Umoja wa Mataifa kwamba nchi bado ziko mbali mno kufikia malengo yao ya hali ya hewa. Rais wa COP28 Sultan Al Jaber, ambaye pia anaongoza kampuni ya taifa ya mafuta ya Umoja wa Falme za Kiarabu, ADNOC, amesema diplomasia ya hali ya hewa inapaswa kuzingatia kukomesha uzalishaji wa hewa ukaa na sio lazima mafuta.