Israel yafanya mashambulizi ya anga Ukingo wa Magharibi

Watu watano wameuwawa kaskazini mwa Ukingo wa Magharibi katika ardhi ya Wapalestina katikamashambulizi ya angayaliyofanywa na Israel, kwa mujibu wa wizara ya afya ya Palestina. Israel imesema mashambulizi yake yalilenga kuharibu eneo linalotumiwa na wanamgambo Wakipalestina kuendesha harakati zao, katika kambi ya wakimbizi ya Nur Shams.

Shambulizi la Israel laua watano Ukingo wa Magharibi

Wakati huohuo Israel imetangaza amri mpya ya kuwataka Wapalestina katika mji wa Deir al Balah katikati mwa Ukanda wa Gaza waondoke mara moja kabla ya kuanza operesheni nyingine ya kijeshi dhidi ya kundi la Hamas. Tangazo la Israel limetolewa wakati mazungumzo magumu ya kutafuta makubaliano ya kusitisha vita yakitarajiwa kuendelea mjini Cairo nchini Misri. Umoja wa Mataifa umelazimika kusitisha operesheni zake za kutowa msaada katika Ukanda wa Gaza kufuatia tangazo jipya la Israel katika mji wa Deir al Balah.