1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaSudan

Watu 13 wadaiwa kuuawa na wanamgambo wa RSF nchini Sudan

Tatu Karema
4 Novemba 2024

Takriban watu 13 wameuawa kwa kupigwa risasi siku ya Jumapili katika shambulizi linalodaiwa kufanywa na kundi la wanamgambo la RSF katika jimbo la Al-Jazira kusini mwa Khartoum nchini Sudan.

https://p.dw.com/p/4mYNp
Kiongozi wa kikosi cha RSF nchini Sudan, Mohamed Hamdan Daglo akihudhuria mkutano wa wawakilishi wa mfumo wa pande tatu katika mji mkuu wa Sudan, Khartoum mnamo Juni 8, 2022
Kiongozi wa kikosi cha RSF nchini Sudan - Mohamed Hamdan DagloPicha: Ashraf Shazly/AFP

Chanzo kimoja kilichozungumza kwa sharti la kutotambulishwa, kimeliambia shirika la habari la Ufaransa AFP kwamba kikosi cha RSF, kiliwafyatulia risasi watu hao waliokuwa katika mji wa Al-Hilaliya.

Mapigano yaongezeka jimboni la Al-Jazira nchini Sudan

Jimbo la Al-Jazira nchini Sudan limekuwa eneo kuu la mapigano kufuatia kutoka kwenye kikosi hicho cha RSF kwa kamanda mmoja Abu Aqla Kaykal.

Watu 50 wauawa katika mashambulizi ya wanamgambo wa RSF Sudan

Hivi karibuni, Kaykal alijiunga na jeshi la Sudan, pamoja na kile ambacho jeshi hilo lilieleza kuwa idadi kubwa ya wapiganaji wake, katika tukio la kwanza la kujiondoa kwa afisa wa ngazi ya juu kutoka kikosi hicho cha RSF.

RSF yaishambulia pakubwa Al-Jazira kati ya Oktoba 20 na 25

Kulingana na mratibu wa misaada ya kibinadamu wa Umoja wa Mataifa nchini Sudan, Clementine Nkweta-Salami, RSF ilianzisha mashambulizi makubwa katika maeneo ya mashariki ya jimbo la Al-Jazira kati ya Oktoba 20 na 25.Zaidi ya watu 120 wauawa katika mji wa Sariha nchini Sudan

Nkweta-Salami ameongeza kuwa wanamgambo hao walitekeleza mauaji ya watu wengi, unyanyasaji wa kingono, uporaji mkubwa wa masoko na nyumba pamoja na uteketezaji mkubwa wa mashamba.

Mzozo nchini Sudanulizuka katikati ya mwezi wa Aprili 2023 kati ya jeshi la serikali linaloongozwa na Abdel Fattah al-Burhan, na kundi la RSF linaloongozwa na naibu wake wa zamani Mohamed Hamdan Daglo.