Rais Biden ashinikizwa kuchukua hatua dhidi ya Iran

Tukio hilo la mashambulizi lilifanywa na wanamgambo wanaoungwa mkono na Iran katika eneo la Kaskazini mwa Jordan karibu na mpaka wa Syria siku ya Jumapili.

Rais Joe Biden amesema atachukuwa hatua za kulipiza kisasi ingawa hakufafanuwa zaidi juu ya hatua zitakazochukuliwa.

Wanasiasa wa chama cha Republican wanamshutumu Rais Biden wakisema anasababisha wanajeshi wa Marekani kuwa dhaifu akisubiri mpaka watakaposhambuliwa kwa droni au kombora.

Vikosi vya Marekani katika Mashariki ya kati vimeshambuliwa zaidi ya mara 150 na wanamgambo wanaoungwa mkono na Iran katika nchi za Iraq, Syria, Jordan na kwenye pwani ya Yemen tangu vilipozuka vita kati ya Israel na Hamas mwezi Oktoba.