1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaUfaransa

Macron aahidi kuwaondoa wanajeshi wa Ufaransa, Niger

Lilian Mtono
25 Septemba 2023

Rais wa Ufaransa Emmanuel Macron ametangaza jana Jumapili kwamba Ufaransa itawaondoa wanajeshi wake nchini Niger pamoja na kumrejesha nyumbani balozi wake baada ya mapinduzi ya kijeshi.

https://p.dw.com/p/4WkyM
Rais wa ufaransa Emmanuel Macron ameahidi kuwaondoa wanajeshi wake nchini Niger baada ya shinikizo kutoka kwa utawala wa kijeshi wa taifa hilo.
Rais wa ufaransa Emmanuel Macron ameahidi kuwaondoa wanajeshi wake nchini Niger baada ya shinikizo kutoka kwa utawala wa kijeshi wa taifa hilo.Picha: Ludovic Marin/AFP/AP/picture alliance

Tangazo hilo, ni pigo kubwa dhidi ya sera za Ufaransa barani Afrika, baada ya wanajeshi wa taifa hilo pia kuondoka taifa jirani la Mali na Burkina Faso katika miaka ya karibuni baada ya kukumbwa na mapinduzi.

Ufaransa iliwabakiza wanajeshi wake 1,500 nchini Niger tangu mapinduzi ya Julai na mara kadhaa imekaidi agizo la utawala mpya wa kijeshi la kumuondoa balozi wake, kwa kuwa Ufaransa haiutambui utawala huo.  

Mapinduzi ya kijeshi nchini Niger yalimuondoa madarakani rais Mohamed Bazoum.

Taifa hilo lilipeleka maelfu ya wanajeshi kwenye ukanda wa Sahel baada ya wakuu wa mataifa hayo kuiomba kusaidia harakati zao za kupambana na ugaidi.