1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroSyria

Watu 16 wauawa katika shambulizi la anga mjini Aleppo

30 Novemba 2024

Shirika linalofuatilia vita nchini Syria limesema watu 16 wameuawa hii leo katika shambulizi la anga ambalo huenda lilifanywa na Urusi, ambaye ni mshirika wa serikali ya Damascus.

https://p.dw.com/p/4nbdF
Mapigano kati ya waasi na jeshi la Syria
Moshi ukionekana kwenye maeneo kadhaa katika kijiji cha Ariha kaskazini mwa Syria Novemba 11, 2024Picha: OMAR HAJ KADOUR/AFP via Getty Images

Shirika hilo la Haki za Binaadamu la nchini Syria limesema shambulizi hilo lilipiga eneo la mji wa Aleppo ambao tayari unadhibitiwa na waasi.

Mapema, jeshi la Syria lilisema makumi ya wanajeshi wake wameuawa kaskazini mwa mji huo wa Aleppo na kuwafanya kurudi nyuma, hii ikiwa ni changamoto kubwa kwa Rais Bashar al Assad baada ya miaka mingi.

Jeshi hilo lakini limesema linajiandaa kwa mashambulizi ya kushtukiza ili kuirejesha mamlaka.