Wapalestina waendelea kuyakimbia mashambulizi ya Israel Gaza

Vikosi vya Israel vimesogea zaidi katika mji huo mkubwa kabisa wa Ukanda wa Gaza kuwatafuta wanamgambo waliojipanga upya katika eneo hilo.

Wanamgambo wa kundi la Hamas wameonya kwamba mashambulizi hayo mapya ya Israel pamoja na  watu kukimbia makaazi, ni hatua inayoweza kusababisha kuvunjika kwa mazungumzo ya muda mrefu ya kutafuta usitishaji mapigano,pamoja na kuachiliwa kwa mateka.

Soma pia:Netanyahu kupeleka wawakilishi majadiliano ya kusitisha vita Gaza

Katika siku za hivi karibuni wapatanishi wameongeza juhudi za kumaliza vita hivyo vya miezi tisa,huku ikielezwa kwamba pande zote mbili zilikuwa zikikaribia kumaliza mkwamo.

Israel iliwataka Wapalestina waondoke Gaza City kabla ya kuanza mashambulio yao jana lakini Wapalestina wamesema hakuna mahala salama.