1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaAfrika

Waasi wa M23 wa DRC, waudhibiti mji wa kimkakati wa Masisi

Suleman Mwiru
6 Januari 2025

Waasi wa M23 wanaoungwa mkono na Rwanda wameuteka mji wa kimkakati wa mashariki karibu na mji mkuu wa mkoa Goma nchini Jamhuri ya Kidemokrasia ya Kongo, hayo ni kwa mujibu wa wanasiasa wa ndani.

https://p.dw.com/p/4orse
Ost-Kongo Flucht und Vertreibung nach Kämpfen mit Rebellen
Watu waliposanyika karibu na magari kutoka Jeshi la Ulinzi la Taifa la Afrika Kusini (SANDF) walipokimbia eneo la Masisi kufuatia mapigano kati ya waasi wa M23 na vikosi vya serikali, kwenye barabara karibu na Sake Februari. 7, 2024.Picha: AUBIN MUKONI/AFP

Serikali ya Kongo na Umoja wa Mataifa wanailaumu nchi jirani ya Rwanda kwa kuliunga mkono kundi hilo la M23 lakini Rwanda imekuwa inakanusha tuhuma hizo wakati wote. Mapigano yamepamba moto katika wiki za hivi karibuni, na hadi sasa kundi la M23 linaudhibiti mji wa Masisi, ameeleza mbunge wa jimbo hilo Alexis Bahunga. Corneille Nangaa, kiongozi wa muungano wa AFC unaoipinga serikali ya Kongo unaojumisha pia kundi la M23 amesema vikosi vya waasi viliingia katikati ya mji wa Masisi tangu siku ya  Jumamosi alasiri.Mkuu wa shirika la kimataifa linalofanya kazi katika mji wa Masisi amesema wafanyakazi wa shirika hilo wameshindwa kuendelea na shughuli za kikazi kutokana na maeneo ya biashara kufungwa ambapo imekuwa vigumu kupata au kufikisha bidhaa sehemu zinakohitajika. Mamlaka ya Kongo imesema inachukua hatua za kurejesha hali ya kawaida katika eneo hilo.