1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
JangaUlaya

Uhispania: Zaidi ya dola bil 10 kusaidia waathiriwa mafuriko

Jacob Safari
5 Novemba 2024

Uhispania imetenga yuro bilioni 10.6 za misaada ya kuwasaidia wahanga wa mafuriko yaliyolikumba eneo la pwani mashariki mwa nchi hiyo huko Valencia wiki iliyopita. Haya yamesemwa na Waziri Mkuu Uhispania Pedro Sanchez.

https://p.dw.com/p/4mei1
uhispania | Athari za mafuriko
Sehemu ya athari za mafuriko UhispaniaPicha: AFP

Sanchez amesema kwamba serikali yake inatarajia kutumia hadi yuro milioni 838 kuwapa fedha mkononi walioathirika na mafuriko hayo yaliyosababisha vifo vya watu 217 wiki iliyopita, katika janga baya zaidi kuwahi kuikumba Uhispania.

Soma pia:Uhispania yaongeza idadi ya wanajeshi kusaidia uokoaji janga la mafuriko

Waziri Mkuu huyo amesema kuwa shirika la mikopo la serikali ya Uhispania, ICO, litatoa dola bilioni 5 kama mikopo kwa kampuni ndogo na zenye ukubwa wa kadri, watu waliojiajiri na familia kwa ajili ya kufadhili ujenzi wa nyumba zao zilizoharibiwa.

Sanchez amesema Uhispania imewatuma karibu maafisa 15,000 na majeshi katika maeneo yaliyoathirika na mafuriko hayo.