Polisi wachunguza vito vya thamani vya Bolsonaro Brazil

Moja ya seti za vito hivyo vya thamani iliyowasili Brazil Oktoba 2021 inayojumuisha mkufu, hereni na saa, vilipitia uwanja wa ndege wa Sao Paulo vikiwa na aliyekuwa mshauri wake wa migodi na nishati, Bento Albuquerque.

Soma zaidi:Viongozi wa dunia walaani uvamizi wa majengo ya serikali Brazil

Mamlaka za ushuru zilikamata vito hivyo vyenye thamani ya dola za kimarekani milioni 3. Kwa mujibu wa Alburqueque, vito hivyo vya thamani vilikuwa kwa ajili ya mke wa Bolsonaro, Michelle.

Gazeti la nchini humo la O Estado de S.Paulo limesema, seti nyingine ya vito vya thamani vya Bolsonaro ni pamoja na saa inayokadiriwa kuwa na thamani ya dola za Kimarekani 150,000.