1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaUlaya

Nchi za magharibi za kosoa vikali kuapishwa kwa Maduro

Saleh Mwanamilongo
11 Januari 2025

Umoja wa Ulaya umekosoa vikali kuapishwa kwa Rais Nicolás Maduro kwa muhula wa tatu nchini Venezuela. Kaja Kallas, mkuu wa sera za kigeni wa Umoja wa Ulaya, amedai kuwa utawala wa Maduro hauna "uhalali wa kidemokrasia".

https://p.dw.com/p/4p37x
Rais wa Venezuela Nicolas Maduro aapishwa kwa muhula wa tatu wa miaka sita
Rais wa Venezuela Nicolas Maduro aapishwa kwa muhula wa tatu wa miaka sitaPicha: Jhonn Zerpa/Miraflores Palace/Handout/REUTERS

Mgombea wa upinzani, Edmundo Gonzalez, alidai kushinda uchaguzi wa rais wa Julai, lakini tume ya uchaguzi ilitangaza ushindi wa Maduro kwa asilimia hamsini na moja za kura.

Waziri wa Mambo ya Nje wa Marekani, Antony Blinken, amesema Maduro "alishindwa" katika uchaguzi wa mwaka jana na kuita sherehe ya kuapishwa kwake kuwa "uapisho wa rais usio halali."

Kwa upande wake, Waziri wa Mambo ya Nje wa Uingereza, David Lammy ,amesema hatua ya Maduro kusalia madarakani ni ya ulaghai, huku Uingereza ikitangaza vikwazo zaidi kwa watu wanaohusishwa na utawala wa Maduro.

Rais Vladimir Putin wa Urusi amempongeza Maduro kwa kuapishwa tena kuiongoza Venezuela. Miongoni mwa waliohudhuria shehere hiyo ni Spika wa Bunge la Urusi, Vyacheslav Volodin, Rais Miguel Diaz-Canel wa Cuba na Rais Daniel Ortega wa Nicaragua.