1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
JamiiKenya

Moto wazuka katika shule ya wasichana ya Isiolo, Kenya

Tatu Karema
8 Septemba 2024

Moto ulizuka katika shule ya upili ya wasichana ya Isiolo nchini Kenya jana Jumamosi na kusababisha kujeruhiwa kwa wanafunzi watatu na kuharibika kwa mali. Haya ni kwa mujibu wa Shirika la Msalaba Mwekundu na polisi.

https://p.dw.com/p/4kP5c
Moto wateketeza bweni katika shule ya msingi ya HillsideEndarasha katika kaunti ya Nyeri mnamo Septemba 6.2024
Moto wateketeza bweni katika shule ya msingi ya HillsideEndarasha katika kaunti ya NyeriPicha: AP Photo/picture alliance

Katika chapisho jana jioni katika mtandao wa X, shirika hilo lilithibitisha kisa hicho na mapema leo limesema kuwa moto huo umedhibitiwa.

Msemaji wa polisi nchini humo, Resila Onyango, pia alisema jana kuwa moto huo ulidhibitiwa ijapokuwa hakuelezea chanzo chake.

Juhudi ya kutafuta wanafunzi na kuokoa mali zandelezwa

Shirika la habari la Reuters limeripoti kuwa muda mfupi baada ya moto huo kuzimwa, polisi, vikosi vya zimamoto na vya uokoaji vilionekana vikitumia tochi kutafuta wanafunzi na kuokoa mali katika mabweni yaliyoteketea.

Moto huo unafuatia vifo vya takriban wanafunzi 21 katika shule ya msingi ya Hillside Endarasha mjini Nyeri, mapema Ijumaa baada ya bweni moja kuteketea shuleni humo.