Misri na Marekani zajadili usitishaji mapigano Gaza

Ofisi ya rais wa Misri imefahamisha kwamba Al Sisi amethibitisha msimamo wa nchi yake wa kupinga operesheni ya kijeshi kuendelea Ukanda wa Gaza.

Mashambulizi makali ya Israel yameutikisa mji wa Gaza City leo Jumanne huku maelfu ya Wapalestina wakiendelea kutafuta hifadhi. 

Leo kundi la wanamgambo la Hamas limesema ikiwa Israel itaendelea na mashambulizi yake yaliyoanza Jumatatu dhidi ya Gaza, mazungumzo ya kusitisha vita na kuachiliwa kwa wafungwa huenda yakasambaratika. 

Soma pia:UN yapinga wapalestina kuhamishwa Gaza

Hata hivyo taarifa zinasema mazungumzo hayo ya mjini Doha yataanza tena kesho Jumatano na baadae kuhamishiwa  mjini Cairo Alhamisi kufuatia mazungumzo yaliyofanyika leo kati ya rais Sisi na mkurugenzi wa CIA William Burns.