Mashambulizi ya Israel huko Gaza yaua watu 8 wa familia moja

Hayo yameelezwa na mamlaka za Hospitali ya Al-Aqsa karibu na mji wa Deir al-Balah. Watu wengine saba wamejeruhiwa wakiwemo wanawake wawili na mtoto ambaye yuko katika hali mbaya.

Kufuatia mashambulizi hayo na mengine, jeshi la Israel limewaamuru mamia ya maelfu ya Wapalestina kuondoka katika eneo la Kaskazini mwa Ukanda wa Gaza ambako kunakadiriwa kuwa na wakazi 400,000.

Kwa zaidi ya mwaka mmoja sasa,  Israel imekuwa ikidai kuwa inayashambulia maeneo ya kundi la Hamas na kwamba hujaribu kuepuka kuwadhuru raia, huku ikiitupia lawama Hamas na makundi mengine kwa kuhatarisha maisha ya raia kutokana na kuendesha shughuli zao kwenye maeneo yenye watu wengi.