1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
Janga

Maelfu ya nyumba yakumbwa na mafuriko Korea Kaskazini

Tatu Karema
31 Julai 2024

Zaidi ya nyumba 4,000 katika mji wa Sinuna na eneo la Uiju lililoko karibu na mpaka wa China nchini Korea Kaskazini zimekumbwa na mafuriko kutokana na mvua kubwa inayonyesha katika maeneo hayo.

https://p.dw.com/p/4ixDN
Kim Jong Un
Kiongozi wa Korea Kaskazini atembelea eneo la mafuriko karibu na mpaka wa nchi yake na China Picha: KCNA/REUTERS

Haya yameripotiwa leo na shirika la habari la serikali KCNA.

KCNA imeripoti kuwa zaidi ya ekari 7,000 za mashamba pamoja na majengo kadhaa ya  umma na barabara pia zimekumbwa na mafuriko na kusababisha mkutano wa dharura wa siku mbili wa Kamati Kuu ya chama tawala cha Wafanyakazi mapema wiki hii.

Korea Kaskazini yakumbwa na maafa makubwa ya mafuriko

KCNA imeongeza kuwa kiongozi wa nchi hiyo Kim Jong Un aliongoza mkutano huo na kuelezea wasiwasi wake kuhusu uharibifu uliofanyika huku akihimiza hatua kali za kurekebisha maeneo yalioathirika.

Kim alikagua maeneo yaliyofurika siku ya Jumapili.

Eneo hilo limeathirika utokana na mvua kubwa iliyosababishwa na kimbunga Gaemi katika siku za hivi karibuni, kilichopelekea maporomoko ya ardhi na kuua watu 12 kusini mwa China na pia kusababisha mafuriko makubwa kwingineko.