1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
JangaKorea Kaskazini

Korea Kaskazini yakumbwa na maafa makubwa ya mafuriko

Rashid Chilumba
31 Julai 2024

Zaidi ya nyumba 4,000 na maelfu ya ekari za mashamba vimefurika maji nchini Korea Kaskazini kufuatia mvua kubwa zilizosababisha mafuriko ya kutisha.

https://p.dw.com/p/4ivru
Kiongozi wa Korea Kaskazini Kim Jong Un akikagua athari za mafuriko
Kiongozi wa Korea Kaskazini Kim Jong Un akikagua athari za mafuriko.Picha: Yonhap/picture alliance

Hayo yametangazwa na shirika la habari la nchi hiyo usiku wa kuamkia leo KNCA. Shirika hiyo limeripoti kwamba mji wa Sinuiju na kaunti ya Uiju iliyo karibu na mpaka na China ndio maeneo yaliyoathiriwa zaidi na janga hilo.

Ekari 7,400 pamoja na majengo ya umma  na barabara vimefunikwa kwa maji. Maafa hayo yalipelekea kuitishwa kikao cha ngazi ya juu chama tawala cha kikomunisti mapema wiki hii chini ya kiongozi wa nchi hiyo Kim Jong Un.

Kim alielezea kufadhaishwa na uharibifu uliotokea na kutoa mwito wa kufanyika jitihada za haraka kurejesha hali ya kawaida kwenye maeneo yaliyoathika. Kiongozi huyo alikwishalitembelea mwenyewe eneo la maafa mnamo Jumapili iliyopo.