1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaAmerika ya Kaskazini

Kamala Harris, Tom Walz, jukwaa moja Michigan

Mohammed Khelef
8 Agosti 2024

Makamu Rais wa Marekani, Kamala Harris, amepanda jukwaani kwa mara ya kwanza na mgombea mwenza wake, Gavana Tom Walz wa Minnesota, kupiga kampeni kwa ajili ya uchaguzi wa Novemba 4.

https://p.dw.com/p/4jDov
Kamala Harris (kulia) na Tim Walz kwenye kampeni za Michigan.
Kamala Harris (kulia) na Tim Walz kwenye kampeni za Michigan.Picha: Charles Rex Arbogast/AP/dpa/picture alliance

Wagombea hao wa chama cha Democrat waliendesha kampeni zao katika miji ya Winconsin na Michigan hapo jana, wakilenga kuvutia kura za vijana na wafanyakazi ambao walimuunga mkono Rais Joe Biden kwenye uchaguzi wa mwaka 2020.

Kamala aliwaambia wafuasi wake kwamba yeye na Gavana Walz ni wapambanaji wenye furaha, wanapolinganishwa na Donald Trump na JD Vance wa Republican.

Kamala Harris amteua Tim Walz kuwa mgombea mwenza

Timu yake ya kampeni inasema imekusanya dola milioni 36 kupitia michango ya wafadhili ndani ya masaa 24 yaliyopita.

Hata hivyo, kwa sasa jimbo la Michigan linachukuliwa kama eneo tete kwa Democrat kufuatia kile kinachoelezewa na wapigakura wa jamii ya Kiarabu na Waislamu kwenye jimbo hilo kuwa "kosa la Joe Biden kuelekea vita vya Israel kwenye Ukanda wa Gaza."