1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga

Israel yakumbuka mauaji ya Holocaust

Thelma Mwadzaya20 Aprili 2009

Israel inaadhimisha kumbukumbu ya mauaji ya halaiki ya Wayahudi milioni 6 yaliyotokea wakati wa vita vya pili vya dunia.Kwa mujibu wa mashirika ya kuhamasisha umma kuhusu mauaji hayo zaidi ya wahanga 230,000

https://p.dw.com/p/HaWa
Picha ya kambi moja ya Wayahudi kulikotokea mauaji ya HolocaustPicha: AP/DW
Auschwitz Holocaust Gedenktag
Kumbukumbu ya kambi ya Auschwitz iliyoko kusini mwa PolandPicha: AP

'Maadhimisho hayo yamepangwa kufanyika katika jumba la kitaifa la makumbusho kwa ajili ya mauaji ya wayahudi yaliyotokea katika vita vya pili dunia.


Rais Shimon Peres wa Israel pamoja na Waziri Mkuu Benjamin Netanyahu wanatarajiwa kuhudhuria hafla hiyo inayofanyika katika jumba la Yad Vasdhem la makumbusho.Viongozi wawili wa wakuu wa kidini nchini humo wanatazamiwa kuwasha mishumaa sita vilevile kufanya misa maalum.Ving'ora vilisikika kote nchini kwa dakika nzima huku magari yote yakisimama na watu kutulia tuli.

Deutschland Holocaust Gedenkstätte Konzentrationslager Dachau
Kambi ya mauaji ya DachauPicha: picture-alliance/ dpa

'Wakati huohuo maelfu ya watu wamemiminika katika jumba jipya la makumbusho lililofunguliwa rasmi hii leo katika eneo la Chicago nchini Marekani.Mikanda ya Rais Barack Obama wa Marekani ilifungua rasmi shughuli hiyo.Katika hotuba yake Rais Obama alisisitiza umuhimu wa kuwafahamisha watoto kuhusu ukatili dhidi ya ubinadamu.Rais Obama alisema kuwa pindi watoto watakapozuru jumba la Skokie wataweza kufahamu umuhimu wa kuheshimu ubinadamu.

Ufunguzi rasmi wa jumba hilo ulifanyika hapo jana na kuhudhuriwa pia na gavana wa Illinois Pat Quinn.


Jumba hilo lililo na ukubwa wa futi alfu 65 mraba linaripotiwa kuwa kubwa zaidi katika eneo hilo.Ushuhuda wa wahanga alfu 2 wa mauaji ya wayahudi unaripotiwa kuhifadhiwa katika jumba hilo la Skokie.Rais wa zamani wa Marekani Bill Clinton anatazamiwa kutoa hutuba muhimu hii leo katika jumba hilo.

Kwa upande mwengine Katibu Mkuu wa Umoja wa Mataifa Ban Ki Moon amewashtumu vikali wote wanaodharau umuhimu wa siku hii kadhalika wanaoshikilia kuwa mauaji hayo hayakufanyika.

Mwaka 2007 Baraza Kuu la Umoja wa Mataifa liliidhinisha azimio linalosisitiza umuhimu wa kuyakumbuka mauaji hayo ya kikatili kwa minajili ya kuzuia uwezekano wa kutokea tena.











Ruka sehemu inayofuata Gundua zaidi

Gundua zaidi

Mishumaa imewekwa katika Makumbusho ya Kambi ya Mateso ya Auschwitz

Wahanga wa kambi ya Mateso ya Auschwitz wakumbukwa

Wahanga wa kambi ya Mateso ya Auschwitz wakumbukwa

Kwa miaka kumi sasa, tarehe 27 Januari hukumbukwa hapa Ujerumani kuwa ni siku ya kuwaomboleza watu waliokumbwa na mauaji ya kiholela, wahanga wa ukatili uliofanywa na utawala wa Ujerumani kabla na wakati wa Vita Vikuu vya Pili vya Dunia. Novemba mwaka jana Umoja wa Mataifa ulipitisha azimio kwamba siku ambayo ilikombolewa kambi ya mateso ya Auschwitz hapo mwaka 1945 ikumbukwe duniani kote. Azimio hilo liliyataka mataifa yote yaikumbuke siku hiyo. Lakini umuhimu gani iliokuwa nayo suku hiyo hapa Ujerumani na duniani kote hii leo, ikiwa ni zaidi ya miaka 60 tangu kumalizika Vita Vikuu vya Pili vya Dunia? (27.01.2006)
27 Januari 2006
Elie Wiesel, mshindi wa tunzo la Nobel na aliyenusurika katika kambi ya Auschwitz, akiihutubia Hadhara Kuu ya Umoja wa Mataifa, New York.

Miaka 60 tangu kukombolewa Kambi ya Mateso ya Auschwitz

Miaka 60 tangu kukombolewa Kambi ya Mateso ya Auschwitz

Auschwitz ilikuwa kambi kubwa kabisa ya mateso na ya kuwaangamiza watu, tena ya kutisha kabisa, iliojengwa na Wanazi wakati wa Vita Vikuu vya Pili vya Dunia. Katika kambi hiyo mauaji yalifanyika kwa ustadi wa kinyama. Vyumba vya gesi na matanuri makubwa ya kuchomea watu yalijengwa na kuwa viwanda vilivochukuwa si chini ya roho za watu milioni moja. Katika kilele cha mauaji hayo ya kiholela mnamo mwaka 1944, kila siku waliuliwa kwa gesi au kuchomwa moto hadi watu 6,000. Kwa mujibu wa kamanda wa kambi hiyo, Höss, hadi ya mabehewa mia moja ya gari moshi yalikuwa kila siku yakipita katika milango ya kambi ya Auschwitz, na mizigo iliobeba ilikuwa maelfu kwa maelfu ya wanadamu. (25.01.2005)
25 Januari 2005