1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
JangaMashariki ya Kati

Israel kutanua malengo yake ya vita kuijumuisha Lebanon

Josephat Charo
17 Septemba 2024

Israel imetangaza leo nia ya kuvitanua vita vyake, kupanua vita vilivyodumu karibu mwaka mmoja dhidi ya Hamas katika Ukanda wa Gaza na kuelekeza nguvu dhidi ya Hezobollah katika mpaka wake wa kaskazini na Lebanon.

https://p.dw.com/p/4kiKv
Ukanda wa Gaza | Athari za mashambulizi ya Israel.
Majengo yaliobomolewa Gaza baada ya mashambulizi ya Israel.Picha: Omar Ashtawy/APAimages/IMAGO

Tangazo hilo limetolewa huku waziri wa mambo ya nje wa Marekani Anthony Blinken akitarajiwa kuzuru eneo hilo wiki hii kuyafufua mazungumzo yaliyokwama yanayonuiwa kusitisha vita kati ya Israel na Hamas huko Gaza.

Soma pia:Israeli yaongeza masharti katika vita vya Gaza

Kufikia sasa nia ya Israel imekuwa kulisambaratisha kabisa kundi la Hamas na kuwarejesha nyumbani mateka waliochukuliwa na wanamgambo wa Kipalestina wakati wa shambulizi la Oktoba 7 mwaka uliopita lililozua vita hivyo.