1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaMashariki ya Kati

Gaza ni 'jehanamu ya dunia' - Lazzarini

Mohammed Khelef
11 Desemba 2023

Mkuu wa Shirika la Umoja wa Mataifa kwa ajili ya Wakimbizi wa Kipalestina, Filippe Lazzarini, ameieleza hali katika Ukanda wa Gaza kuwa mbaya kuliko wakati wowote ule, akiilinganisha na ''jehanamu kwenye uso wa dunia.''

https://p.dw.com/p/4a03j
Msichana wa Kipalestina akiangalia matokeo ya mashambulizi ya Israel kwenye kitongoji cha Al-Zawayda, Ukanda wa Gaza, siku ya Jumapili (Disemba 10).
Msichana wa Kipalestina akiangalia matokeo ya mashambulizi ya Israel kwenye kitongoji cha Al-Zawayda, Ukanda wa Gaza, siku ya Jumapili (Disemba 10).Picha: Majdi Fathi/NurPhoto/NurPhoto/picture alliance

Kauli hiyo ya mkuu wa UNRWA inakuja wakati Israel ikiarifu kuwa iliyashambulia maeneo yapatayo 250 katika ukanda huo, ikidai kuwa baadhi yake ilikuwa mifumo ya njia za chini ya ardhi.

Wakati huo huo, Shirika la Afya Ulimwenguni (WHO) limepitisha azimio linalotaka msaada kibinadamu ufikishwe mara moja katika Ukanda wa Gaza.

Soma zaidi: Idadi ya waliofariki Gaza yaongezeka baada ya mapigano kuanza tena

Marekani haikulipinga azimio hilo ingawa imesema linaegemea upande mmoja.

Kwa upande wake, Katibu Mkuu wa Umoja wa Mataifa, Antonio Guterres, amesema kuwa mgogoro wa sasa umeanika kweupe kupooza kwa Baraza la Usalama.

Huku hayo yakiarifiwa, maelefu ya watu waliandamana jana Jumapili nchini Ujerumani na Ubelgiji, wakilaani chuki dhidi ya Wayahudi na ubaguzi wa rangi.