Ramaphosa: "Tunasaka vyama vya kuunda serikali ya kitaifa"

Rais wa Afrika Kusini Cyril Ramaphosa ametangaza jana Alhamisi kwamba chama chake cha African National Congress, ANC kinasaka kuunda muungano mpana wa serikali ya umoja wa kitaifa.

Ramaphosa amesema lengo kuu la kuunda serikali ya umoja wa kitaifa ni kukabiliana na masuala mazito ambayo raia nchini humo wanataka yashughulikiwe. Alisema hayo baada ya mkutano mrefu na maafisa wa chama.

Rais Ramaphosa, alikiri baada ya masaa kumi ya majadiliano na maafisa hao waandamizi, kwamba chama hicho tawala sasa kitahitaji washirika ili kuunda serikali.

Tayari chama hicho kilikuwa kimefanya mazungumzo na vyama vitano, baada ya kushindwa kupata wingi wa kutosha kwenye uchaguzi wa bunge wiki iliyopita.