1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroSyria

Marekani yakiri kuwasiliana moja kwa moja na Syria

15 Desemba 2024

Marekani imesema imefanya mawasiliano ya moja kwa moja na watawala wapya wa Syria wa kundi la waasi la Hayat Tahrir al-Sham, licha ya hapo awali kuliorodhesha kama kundi la kigaidi.

https://p.dw.com/p/4oAC3
Waziri wa Mambo ya Nje wa Marekani, Antony Blinken
Waziri wa Mambo ya Nje wa Marekani Antony Blinken asema wamekuwa na mawasiliano ya moja kwa moja na utawala mpya wa SyriaPicha: Andrew Caballero-Reynolds/Pool Photo via AP/picture alliance

Waziri wa Mambo ya Nje wa Marekani Antony Blinken amesema hayo jana Jumamosi, baada ya mazungumzo kuhusu Syria, wakati akitafuta  ushirikiano wa kimataifa katika mchakato wa amani nchini humo.

Blinken amekiri kuwepo kwa mawasiliano hayo ya moja kwa moja, ingawa hakufafanua zaidi na kuongeza kuwa mawasiliano hayo kwa sehemu yalihusiana na kumtafuta Austin Tice, mwandishi wa habari wa Kimarekani aliyetekwa mwaka 2012 baada ya kuanza vita vya wenyewe kwa wenyewe nchini Syria.

Amesema katika mazungumzo na HTS, Marekani "iliwashirikisha kanuni" kuhusu Syria ambazo tayari ameziweka wazi.