«په زرونو سوریایان له ترکې بيرته خپل هيواد ته ستانه شوي دي»
۱۴۰۳ آذر ۲۶, دوشنبه
د سوريې د کورنیو چارو وزير علي یرلیکایا، په یوه اعلامیه کې چې پر اکس شبکه یې خپره کړې ويلي چې په مجموع کې د دسمبر له ۹ تر ۱۳، په پنځو ورځو کې ۷۶۲۱ سوریايي مهاجر«په خپله خوښه له ترکيې بېرته راستانه شوي دی.»
په سوریه کې په ۲۰۱۱م کال د جګړو تر پېلیدو وروسته نژدې ۳ ميلیونه سوریايان ترکيې ته مهاجر شول. د بشارالاسد رژیم تر نسکوریدو وروسته تمې زیاې شوي چې ډېر دغه مهاجر به بېرته خپل هيواد ته ستانه شي.
د فرانسې خبري آژانس ليکي چې په سیمه کې ېې خبریال د دوشنبې په سهار وختي په سيلوګوزا سرحد کې په سوونو مهاجر ولېدل چې له پولې د اوښتو په حال کې ول. یاد سرحد د سوريې د دوهم ستر ښار حلب، غرب لور ته په شاوخوا ۵۰ کیلومترۍ کې دی.
یرلیکایا زیاته کړې چې د تېرې اوونۍ په جریان کې نور سوریایان هم هېواد ته داخل شوي: د سه شنبې په ورځ ۱۶۶۹ کسان، چهارشنبه ۱۲۹۳، پنجشنبه ۱۵۵۳ او د جمعې په ورځ ۱۸۴۷ کسان له سرحده اوښتي دي.
د سوريې د کورنیو چارو وزیر مخکې ويلي ول چې د بشار الاسد رژیم تر نسکوريدو ۴۸ ساعتونو په جریان کې د ترکيې له سرحدونو هيواد ته د سوریايي مهاجرو د بېرته ستنېدا بهیر پیل شو، چې شمېر ېې په ورځ کې له ۳۰۰۰ نېولې د ۱۵ او ۲۰زرو ترمنځ وي.
ترکيه له سوريې سره ۹۰۰ کیلومتره ګډ سرحد لري چې پنځه بندرونه ېې فعال دي. ترکيې ويلي دي چې «د ترافیکو د سهولت» په خاطر به شپږم بندر هم خلاص کړي. انقره تمه لري چې په سوریه کې د تحول په رامنځته کېدو سره به د امکان تر حده ډېر سوریایان بېرته خپل هيواد ته ستانه شي.