Награда на Европскиот парламент за Иранката Махса Амини
19 октомври 2023
Сахаров наградата и е доделена на Махса Амини и на иранското женско протестно движење, соопшти Европскиот парламент.
„Европскиот парламент гордо застанува зад храбрите и пркосните кои продолжуваат да се борат за еднаквост, дигнитет и слобода во Иран“, рече претседателката на парламентот на ЕУ, Роберта Мецола.
„Стоиме зад оние кои, дури и од затвор, и натаму ги оддржуваат 'Жени, Живот, Слобода' во живот', додаде таа, алудирајќи на слоганот на протестното движење.
Амини, која тогаш имаше 22 години, падна во кома во септември 2022 година, а потоа и почина откако беше уапсена од иранската морална полиција поради наводно нарушување на исламските правила за облекување.
Најголеми протести во Иран
Нејзината смрт ги предизвика најголемите протести во Исламската република во последните децении, кои беа насилно задушени од режимот во Техеран.
ЕУ во повеќе наврати воведе санкции против Иран поради насилството врз демонстрантите и масовните апсења.
Наградата Сахаров се доделува од Европскиот парламент од 1988 година на поединци и организации кои ги бранат човековите права и слободата на говор. Минатата година наградата му припадна на украинскиот народ за неговата борба против руската инвазија врз земјата.