چین تبت میں دنیا کا سب سے بڑا ہائیڈرو پاورڈیم تعمیر کررہا ہے

چین کی پاور کنسٹرکشن کارپوریشن کے فراہم کردہ ایک تخمینے کے مطابق یہ ڈیم، جو دریائے یارلونگ زانگبو کے نشیبی حصے میں واقع ہوگا، سالانہ 300 بلین کلو واٹ گھنٹے (کے ڈبلیو ایچ) بجلی پیدا کر سکتا ہے۔

یہ وسطی چین میں واقع، اس وقت دنیا کے سب سے بڑے، تھری گورجز ڈیم سے تین گنا زیادہ بجلی پیدا کرے گا۔ تھری گورجز ڈیم کی 88.2 بلین کے ڈبلیو ایچ بجلی پیدا کرنے کی صلاحیت ہے۔

چین کا ژانگمو ڈیم: بھارت اور ماحولیاتی ماہرین کے خدشات

سرکاری خبر رساں ایجنسی ژنہوا نے بدھ کو بتایا کہ یہ منصوبہ چین کے کاربن کے اخراج کو انتہائی درجے تک لے جاکر نیچے لانے اور کاربن غیر جانبداری کے اہداف کو پورا کرنے، انجینئرنگ جیسی متعلقہ صنعتوں کو تحریک دینے اور تبت میں ملازمتیں پیدا کرنے میں اہم کردار ادا کرے گا۔

یارلونگ زانگبو کا ایک حصہ 50 کلومیٹر کے حصے میں 2,000 میٹر پر ڈرامائی طور پر گرتا ہے، جو ہائیڈرو پاور کی بڑی صلاحیت کے ساتھ ساتھ انجینئرنگ کے منفرد چیلنجز بھی پیش کرتا ہے۔

ڈیم کی تعمیر پر آنے والا خرچ، بشمول انجینئرنگ کے اخراجات، تھری گورجز ڈیم کی لاگت کو بھی کافی پیچھے چھوڑ دیں گے، جس کی لاگت 34.83 بلین ڈالر ہے۔ اس میں 1.4 ملین لوگوں کی دوبارہ آباد کاری شامل تھی جو اس ڈیم کی وجہ سے بے گھر ہو ئے تھے۔

بھارت اور بنگلہ دیش نے اس کے باوجود ڈیم کے بارے میں خدشات کا اظہار کیا ہے

بھارت اور بنگلہ دیش کے لیے باعث تشویش

حکام نے اس بات کی نشاندہی نہیں کی ہے کہ تبت پراجیکٹ سے کتنے لوگ بے گھر ہو جائیں گے اور اس سے مقامی ماحولیاتی نظام پر کیا اثر پڑے گا، جو اس خطے کا سب سے ثروت مند اور متنوع علاقہ  ہے۔

چین: ماحولیاتی آلودگی پھیلانے والا سب سے بڑا ملک، چند اہم حقائق

لیکن چینی حکام کے مطابق تبت میں ہائیڈرو پاور پراجیکٹس، جن کے بارے میں ان کا کہنا ہے کہ چین کی ہائیڈرو الیکٹرک پاور کی صلاحیت کا ایک تہائی سے زیادہ حصہ ہے، ماحولیات یا نشیبی علاقے میں پانی کی فراہمی پر کوئی بڑا اثر نہیں ڈالے گا۔

بھارت اور بنگلہ دیش نے اس کے باوجود ڈیم کے بارے میں خدشات کا اظہار کیا ہے، اس منصوبے سے نہ صرف مقامی ماحولیات بلکہ دریا کے بہاؤ اور راستے کو بھی ممکنہ طور پر تبدیل کیا جا سکتا ہے۔

بھارت میں پانی سے بجلی کی سالانہ پیداوار میں واضح کمی

یارلنگ زانگبو تبت سے نکلتے ہی دریائے برہم پترا بن جاتا ہے اور جنوب کی طرف بھارت کی اروناچل پردیش اور آسام ریاستوں سے گزرتا ہوا آخر میں بنگلہ دیش پہنچتا ہے۔

چین نے پہلے ہی یارلونگ زانگبو کے اوپری حصے پر، جو تبت کے مغرب سے مشرق کی طرف بہتا ہے، پن بجلی کی پیداوار شروع کر دی ہے ۔ یہ مزید پروجیکٹوں کی منصوبہ بندی کر رہا ہے۔

ج ا ⁄  ص ز (روئٹرز)