جرمنی میں والدہ پر پانچ بچوں کو قتل کرنے کا شبہ

جرمن خبر رساں ادارے ڈی پی اے کے ذرائع کی اطلاعات کے مطابق ایک والدہ نے مبینہ طور پر اپنے پانچ بچوں کو قتل کردیا۔ پولیس کی جانب سے ابھی تک اس حوالے سے تصدیق نہیں کی گئی ہے۔

آج صبح ہی پولیس نے بتایا تھا کہ زولنگن کے رہائشی علاقے میں واقع فلیٹ میں پانچ بچے مردہ حالت میں پائے گئے تھے۔

مزید پڑھیے: جرمنی: نرس کو تین بچوں کے اقدام قتل پر عمر قید کی سزا

زولنگن کے سکیورٹی ذرائع نے خبر رساں ادارے ڈی پی اے کو بتایا ہے کہ یہ مشتبہ خاتون کارروائی کے بعد قریبی شہر ڈزلڈورف کے مرکزی ریلوے اسٹیشن کی پٹریوں پر چڑنے کی کوشش کر رہی تھی۔ اس دوران یہ ستائیس سالہ خاتون زخمی بھی ہوگئی۔ واضح رہے پولیس نے اس بارے میں ابھی تصدیق نہیں کی گئی ہے۔

مقامی میڈیا میں ہلاک ہونے والے بچوں کی عمر دو سے آٹھ سال تک بتائی جا رہی ہے۔

یہ بھی پڑھیے: گيارہ سالہ بچی کا تيئس برس قبل ريپ اور قتل، تفتيش آج تک جاری

اس علاقے میں دوپہر کے دوران ہنگامی امداد کی متعدد گاڑیاں بھی دیکھی گئی تھیں۔ جائے وقوعہ کو پولیس نے مکمل طور پر بند کردیا ہے اور اس جرم کی تفتیش کی جارہی ہے۔

ع آ / ع ت (ڈی پی اے / این ٹی وی)