1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaJamhuri ya Kidemokrasia ya Congo

Zaidi ya watu 40 wahofiwa kufariki Mashariki mwa Kongo

Tatu Karema
1 Septemba 2023

Idadi ya watu waliofariki kutokana na msako wa jeshi uliofanywa siku ya Jumatano dhidi ya waandamanaji wanaoupinga Umoja wa Mataifa na mashirika mengine ya kigeni Mashariki mwa Kongo, imefikia takriban watu 40

https://p.dw.com/p/4VpCI
Wanajeshi wa kikosi cha jumuiya ya Afrika Mashariki mjini Bunagana, katika Jamhuri ya kidemokrasia ya Kongo mnamo Aprili 19, 2023
Wanajeshi wa kikosi cha jumuiya ya Afrika Mashariki mjini BunaganaPicha: Alain Uaykani/Xinhua/picture alliance

Jeshi la Kongo lilitawanya kwa nguvu maandamano hayo mjini Goma baada ya kanda ya video iliyoonesha shambulizi dhidi ya afisa wa polisi kusambazwa katika mitandao ya kijamii. Hata hivyo kanda hiyo haikuweza kuthibitishwa. Mamlaka inasema kuwa afisa huyo aliuawa kwa kupigwa mawe na kwamba waandamanaji sita waliuawa jeshi lilipoingilia.

Hospitali zimekuwa zikipokea malori yaliobeba maiti

Lakini maafisa hao wawili wa jeshi waliozungumza kwa sharti la kutotambulishwa, wamesema hospitali zimekuwa zikipokea malori kadhaa yaliobeba maiti tangu maandamano hayo kuanza na kusema idadi hiyo ni zaidi ya watu 40.

Soma pia:Watu wasiopungua kumi wauawa katika maandamano mjini Goma

Chanzo kimoja cha Umoja wa Mataifa, kimesema wanachunguza madai ya vifo zaidi ya hamsini baada ya wanajeshi hao kuwazuia waandamanaji waliokuwa wamekusanyika kanisani kabla ya kuanza kwa maandamano hayo.

Hata hivyo msemaji wa jeshi la Kongo Luteni Kanali Guillaume Ndjike amekanusha ripoti hiyo na kusema ni watu saba pekee waliopoteza maisha.