1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
JangaChina

Watu 111 wapoteza maisha kufuatia tetemeko la ardhi China

Babu Abdalla
19 Desemba 2023

Watu 111 wamekufa na wengine zaidi ya 230 wamejeruhiwa kufuatia tetemeko la ardhi lililopiga eneo la kaskazini magharibi mwa China la Gansu-Ginghai usiku wa kuamkia leo.

https://p.dw.com/p/4aJys
China | Tetemeko la ardhi jimbo la Gansu
Timu ya uokoaji ikiendelea na zoezi la kutafuta manusura kaika kijiji cha Kangdiao kufuatia tetemeko la ardhi ChinaPicha: China Daily/REUTERS

Kituo cha Ulaya cha kufuatilia mitikisiko ya ardhi duniani EMSC kimesema, tetemeko hilo la ardhi lilikuwa la ukubwa wa 6.1 katika kipimo cha Ritcha.

Kituo hicho kimeendelea kueleza kuwa, tetemeko hilo lilikuwa na kina cha kilomita 35 huku kitovu chake kikiwa kilomita 102 eneo la kusini magharibi mwa mji wa Lanzhou.

Shirika la habari la serikali Xinhua limeripoti kuwa, tume ya kitaifa ya China ya kukabiliana na majanga pamoja na wizara ya usimamizi wa dharura imeanzisha mpango wa mwitikio wa dharura wa kiwango cha nne kufuatia zilzala hiyo.

Tayari timu maalum imetumwa katika maeneo yalioathirika na tetemeko hilo la ardhi ili kutathmini athari zilizojitokeza na kutoa mwongozo wa zoezi la uokoaji na kupeleka misaada.