1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaAmerika ya Kaskazini

Marekani yafunguwa kesi kupinga kufutwa wapigakura Virginia

Mohammed Khelef
12 Oktoba 2024

Wizara ya Sheria ya Marekani imefunguwa kesi dhidi ya maafisa wa uchaguzi wa jimbo la Virginia inaowatuhumu kwa kufuta majina ya wapiga kura kwenye daftari la wapiga kura kinyume na sheria ya uchaguzi ya taifa.

https://p.dw.com/p/4li1Z
Virginia | Glenn Youngkin
Gavana Glenn Youngkin wa Virginia.Picha: Andrew Harnik/AP Photo/picture alliance

Mashitaka hayo yaliyofunguliwa jana mjini Alexandria yanasema kuwa amri iliyotolewa mwezi Agosti na Gavana Glenn Youngkin kutokea chama cha Republican, ambayo inataka kufanyike uhakiki wa kila siku kwenye daftari hilo ili kuwaondowa wapigakura wasio halali, inakinzana na sheria ya uchaguzi ya taifa.

Soma zaidi: Pigo kwa Trump baada ya Matt Bevin kushindwa Kentucky

Sheria hiyo inaamuru kuwa siku 90 kabla ya uchaguzi kusiwe na shughuli zozote kwenye daftari la wapigakura.

Kwa wengi, amri ya gavana wa Virginia ina lengo la kuwaondosha wapigakura wenye historia ya uhamaji na uhamiaji, hasa kutokana na mwenendo wa mgombea urais kupitia Republican, Donald Trump, ambaye ameamua kuzigeuza kampeni zake kuwa na ajenda kubwa dhidi ya wahamiaji.