Watu 2 wauliwa nje ya ubalozi wa Marekani Jeddah

Taarifa hiyo imeripotiwa hivi leo na shirika la habari la serikali la Saudia SPA. Shirika hilo limemnukuu afisa wa polisi akisema mwanamume mmoja aliyekuwa amejihami kwa bunduki ameuwawa wakati wa makabiliano ya risasi na maafisa wa usalama jana Jumatano karibu na ubalozi huo wa Marekani.

Msemaji wa jeshi la polisi ukanda wa Mecca amesema mtu aliyekuwa akiendesha gari dogo alisimama karibu na jengo la ubalozi na kutoka nje akiwa amebeba silaha mkononi, maafisa wa usalama wakamkabili na ufyetulianaji wa risasi ukasababisha kifo chake.

Pia amesema mlinzi raia wa Nepal alijeruniwa na baadaye kufariki. Vyombo vya habari vya Saudi Arabia vimesema hakuna raia wa Marekani aliyejeruhiwa katika tukio hilo.