1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
Siasa

Raia katika jimbo la Brandeburg Ujerumani wanapiga kura

Sylvia Mwehozi
22 Septemba 2024

Takiban wapiga kura milioni 2.1 wameanza kupiga kura katika uchaguzi wa jimbo la Ujerumani la Brandeburg. Uchaguzi huo unafuatiliwa kwa ukaribu kuona kama chama cha AfD kitapata uungwaji mkono mkubwa.

https://p.dw.com/p/4kwkk
Uchaguzi wa jimbo la Brandenburg
Wanawake wawili wakielekea kituoni kupiga kuraPicha: Frank Hammerschmidt/dpa/picture alliance

Uchaguzi huo unafuatiliwa kwa ukaribu kuona kama chama cha siasa kali za mrengo wa kulia cha AfD kitapata uungwaji mkono mkubwa kwa mara ya pili ndani ya mwezi au ikiwa chama cha Social Democrats SPD kitaibuka kinara.

Brandenburg ndiyo jimbo pekee katika iliyokuwa Ujerumani Mashariki ambalo limeendelea kutawaliwa na SPD tangu mwaka 1990, kwa kushirikiana na vyama tofauti. Kura za maoni zilizochapishwa na kituo cha ZDF zilionyesha kuwa, AfD ina uwezekano wa kupata kura kwa asilimia 28, huku SDP ikiwa na asilimia 27.

Chama cha Christian Democrats CDU ambacho ni chama kikuu cha upinzani ngazi ya shirikisho, kimepewa asilimia 14 na chama kipya  cha muungano wa Sahra Wagenknecht BSW kinasimama katika asilimia 13.