1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaAmerika ya Kaskazini

Wamarekani wajiandaa kumchagua rais mpya Novemba 5

Rashid Chilumba
4 Novemba 2024

Wamarekani wanajiandaa kupiga kura katika uchaguzi wa rais unaofanyika kesho Jumanne ambao utaamua mwanasiasa anayeiongoza dola hiyo yenye nguvu zaidi duniani katika kipindi cha miaka minne inayokuja.

https://p.dw.com/p/4maro
Uchaguzi Mkuu Marekani 2024 | Kura ya mapema
Baadhi ya Wamarekani waliopiga kura ya mapema.Picha: Jeff Kowalsky/AFP

Makamu wa Rais wa sasa Kamala Harris kutoka chama cha Democratic anachuana na rais wa zamani Donald Trump wa Republican kuwania funguo za ikulu ya White House baada ya karibu mwaka mmoja wa kampeni. 

Zaidi ya Wamarekani milioni 77 tayari wamekwishapiga kura mapema na wagombea hao wawili wanatumai kuwahimiza mamilioni wengine kujitokeza kwa wingi kesho Novemba 5. 

Soma pia:Wafahamu wagombea urais Marekani na sera zao

Wagombea wote wawili wanataitumia siku ya mwisho ya kampeni kwenye jimbo la Pennsylvania ambalo ni miongoni mwa yale machache yasiyotabirika yatakayoamua mshindi wa uchaguzi wa kesho. 

Uchunguzi wa maoni ya umma unaonesha ushindani bado ni mkali baina ya wagombea hao wawili na ni vigumu kubashiri mwanasiasa anayeibuka mshindi.