1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
Migogoro

Viongozi 4 wa kundi la IS wauawa shambulio la Agosti Iraq

Iddi Ssessanga
14 Septemba 2024

Jeshi la Marekani limesema jana kuwa viongozi wanne wa kundi linalojiita Dola la Kiislamu waliuawa katika operesheni ya pamoja ya Marekani na iraq mwezi uliyopita, akiwemo mkuu wa opresheni za kundi hilo nchini Iraq.

https://p.dw.com/p/4kcTQ
Exhumierung irakischer Turkmenen aus der „Massakergrube“
Picha: Ali Makram Ghareeb/Anadolu/picture alliance

Kamandi Kuu ya Jeshi la Marekani, CENTCOM, imesema kupitia taarifa kwenye mtandao wa X, kwamba operesheni hiyo iliwalenga viongozi wa ISIS na ililenga kuvuruga na kuvunja uwezo wa kundi hilo kupanga, kuandaa na kufanya mashambulizi dhidi ya raia wa Iraq.

Jumla ya watendaji 14 wa ISIS waliuawa, idadi hii ikiwa imerekebishwa kutoka 15 walioripotiwa awali. Wanajeshi watano wa Marekani walijeruhiwa, huku wengine wawili wakijeruhiwa baada ya kuanguka.

Viongozi wanne waliouawa walitambuliwa kuwa Ahmad al-Ithawi, kiongozi wa operesheni wa ISIS nchini Iraq; Abu Hammam, aliesimamia operesheni magharibi mwa Iran, Abu Ali al-Tunisi, alieshughulikia maendeleo ya kiufundi; na Shakir al-Issawi, alieongoza operesheni za kundi hilo Magharibi mwa Iran, kulingana na CENTCOM.