Uturuki yaiwekea Israel vikwazo vya kibiashara

Hatua hii mpya inajiri siku moja baada ya Uturuki kusema kuwa Israel imezuia jaribio lake la kudondosha misaada kwa Gaza. Awali Waziri wa Mambo ya Nje Hakan Fidan aliapa kulipiza kisasi dhidi ya Israel

"Hakuna kisingizio kwa Israel kuzuia jaribio letu la kupeleka misaada kwa ndege kwa watu wenye njaa Gaza. Kwa kukabiliwa na hali hii, tuliamua kuchukua mfululizo wa hatua mpya dhidi ya Israeli. Hatua zilizoidhinishwa na rais wetu, zitatekelezwa hatua kwa hatua, bila kuchelewa."

Kupitia mtandao wa kijamii wizara ya biashara ya Uturuki imesema, uamuzi huo utatekelezwa hadi Israel itakapotangaza kusitisha mapigano na kuruhusu usambazaji wa kutosha na usiokatizwa wa misaada ya kibinadamu Gaza.