1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroUrusi

Urusi yawaondoa watoto kutoka Belgorod mpakani na Ukraine

Josephat Charo
10 Januari 2024

Watoto kadhaa wa shule wamehamishwa kutoka mji wa mpakani wa Urusi wa Belgorod hivi leo kutokana na mfululizo wa mashambuzi makali ya makombora ya Ukraine.

https://p.dw.com/p/4b5k0
Urusi Belgorod | uharibifu baada ya shambulio
Ukraine imezidisha mashambulizi ya kuvuka mpaka dhidi ya UrusiPicha: REUTERS

 Hayo yamesemwa na gavana wa eneo hilo, Vyacheslav Gladkov. Wakazi wapatao 300 walikuwa tayari wameondoka Belgorod, katika operesheni kubwa ya kuwahamisha watu kutoka mji mkubwa wa Urusi tangu nchi hiyo ilipoanza uvamizi wake dhidi ya Ukraine mnamo Februari 2022.

Soma pia: Urusi: Ukraine yashambulia tena Belgorod kwa makombora-droni

Kundi la kwanza la watoto wameondoka Belgorod kuelekea eneo jirani la Voronezh, ambalo liko mbali na mpakani. Gavana Gladkov ameandika kwenye mtandao wa kijamii wa Telegram kwamba watoto 93 wa darasa la kwanza hadi la nne kutoka shule mbalimbali katika mji wa Belgorod watapumzika na kuangaliwa afya zao katika kambi za afya za watoto.