1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaUlaya

Vikosi vya Urusi vinaudhibiti wa mji wa Kurakhove wa Ukraine

Suleman Mwiru
6 Januari 2025

Wizara ya Ulinzi ya Urusi imesema leo Jumatatu kwamba vikosi vyake vimeukamata na kuchukua udhibiti mji wa Kurakhove uliopo katika mkoa wa Donetsk nchini Ukraine.

https://p.dw.com/p/4oqnR
Ukraine | Zerstörte Gebäude und Autos in Kurachowe im Gebiet Donezk
Magari na majengo yaliyoharibiwa katika mji wa Kurakhove, katika wilaya ya Pokrovsk ya mkoa wa mashariki wa Donetsk, Oktoba 8, 2024. Picha: ROMAN PILIPEY/AFP

Mji huo wa Kurakhove ni kituo cha kutoa msaada wa vifaa kwa vikosi vya Ukraine na Urusi imesema kulikamata eneo hilo kumeathiri upatikanaji wa vifaa na msaada wa kiufundi kwa vikosi vya Ukraine.Katika hatua nyingine, jeshi la anga la Ukraine limesema leo Jumatatu kwamba imeyadungua makombora mawili chapa KH-59 yaliyorushwa na Urusi usiku wa kuamkia leo. Hapo jana Ukraine ilisema kwamba vikosi vyake vimeanzisha mashambulizi mapya ya kijeshi katika mji wa magharibi wa Urusi wa Kursk ikiwa ni muendelezo wa mashambulizi yake ya kushtukiza katika eneo hilo tangu wakati wa majira ya joto mwaka jana.