1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroUrusi

Urusi: Kupeleka silaha Ujerumani kutachochea Vita Baridi

12 Julai 2024

Urusi imekosoa mpango wa Marekani wa kupeleka makombora ya masafa marefu nchini Ujerumani ikisema hatua hiyo inawarejesha kwenye zama za Vita Baridi.

https://p.dw.com/p/4iCC9
Urusi | Msemaji wa Ikulu ya Kremlin
Msemaji wa Ikulu ya Kremlin Dmitr Peskov akizungumza na waandishi wa habari mjini Moscow Oktoba 26, 2023 Picha: Mikhail Tereshchenko/TASS/dpa/picture alliance

Msemaji wa Ikulu ya Kremlin, Dmitry Peskov ameishutumu Ujerumani, Marekani, Ufaransa na Uingereza kwa kujiingiiza moja kwa moja kwenye vita vyao dhidi ya Ukraine, na kusema mazingira kama hayo ndiyo yaliyovichochea Vita Baridi.

Amesema, Urusi inachukulia kwa umakini kila linalofanywa kwa lengo la kuwadidimiza na kuongeza kuwa huu ni wakati kwa wao kuungana na kutumia utajiri walionao kutimiza malengo waliojiwekea katika operesheni yao ya kijeshi nchini Ukraine.

Pembezoni mwa mkutano wa kilele wa NATO Ikulu ya Marekani pamoja na Ujerumani walitangaza mpango huo, ambao ni wa kwanza tangu kumalizika Vita Baridi.