1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
Siasa

Uchunguzi kuhusu mauaji ya halaiki Rwanda kuanzishwa tena

Tatu Karema
21 Juni 2023

Mahakama ya rufaa ya mjini Paris, Ufaransa, imetoa agizo la kuanzishwa tena uchunguzi kuhusu madai ya kushindwa kwa jeshi la Ufaransa kuingilia mauaji ya halaiki yaliyotokea wakati wa vita vya mwaka 1994 nchini Rwanda.

https://p.dw.com/p/4Stg4
Hutus begrüßen französische Soldaten
Picha: dpa/picture alliance

Vyanzo kadhaa vimeliambia shirika la habari la AFP kwamba uamuzi huo umekuja baada ya wachunguzi mwaka jana kuifunga kesi hiyo.

Mashirika kadhaa na watu walionusurika mauaji ya Kimbari nchini Rwanda yaliyofanywa dhidi ya jamii ya Watutsi, katika milima ya Bisesero, magharibi mwa Rwanda, kwa muda mrefu wamekuwa wakiutuhumu ujumbe maalum  wa jeshi la Ufaransa na serikali kuwa washirika wa mauaji hayo,wakisema wanajeshi hao walifanya makusudi kushindwa kuwalinda wahanga kwa siku tatu wakati mauaji yakiendelea.

Mamia ya Watutsi waliuwawa katika eneo hilo la milima ya Bisesero kati ya Juni 27 na 30 mwaka 1994.