Trump na Scholz wakubaliana kuendeleza ushirikiano

Msemaji wa serikali mjini Berlin Steffen Hebestreit amesema Scholz amempongeza Trump aliyeshinda urais kwa mara ya pili.

Amesema viongozi hao kwa pamoja wamebadilishana mawazo kuhusiana na uhusiano kati ya Marekani na Ujerumani pamoja na mizozo ya hivi karibuni kwenye maeneo mbalimbali.

Kansela Scholz aidha amesisitiza nia ya serikali yake ya kuendeleza ushirikiano baina ya serikali za mataifa hayo na kukubaliana azma hiyo ya kurejesha amani barani Ulaya.