1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaIran

Spika wa zamani wa bunge la Iran kuwania urais

Zainab Aziz
31 Mei 2024

Spika wa zamani wa bunge nchini Iran na aliyekuwa pia mkuu wa ujumbe katika mazungumzo ya mpango wa nyuklia wa Iran, Ali Larijani amewasilisha nia yake ya kuwania urais.

https://p.dw.com/p/4gVRV
Picha ya viongozi wa Iran | Ali Larijani na Ayatollah Ali Khamenei
Picha ya pamoja ya Kiongozi wa juu wa Iran Ayatollah Ali Khamenei na mgombea wa urais Ali Larijani

Larijani amewasilisha nia yake ya kuwania urais katika kura ya ghafla iliyoitishwa baada ya kifo cha rais wa nchi hiyo Ebrahim Raisi aliyefariki dunia katika ajali ya helikopta tarehe 19 mwezi huu wa Mei.

Larijani, mtaalamu wa Hisabati mwenye umri wa miaka 66, aliwasilisha ombi lake kwenye Wizara ya Mambo ya Ndani leo hii Ijumaa. Larijani ameshika nyadhifa kadhaa za uongozi katika miaka ya hivi karibuni, miongoni mwao ni waziri wa utamaduni. 

Wachambuzi wanasema Larijani ana uzoefu mkubwa wa kutatua migogoro na hasa katika kuanzisha upya mazungumzo ya nyuklia na nchi za Magharibi.

Mkataba mpya wa nyuklia ndio njia pekee ya kuondoa vikwazo vya kimataifa vilivyowekwa dhidi ya Iran ambapo akifanikiwa ataweza kuumaliza mgogoro mkubwa wa kiuchumi wa miaka mitano unaoikabili nchi hiyo.