1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaMashariki ya Kati

Serikali ya Lebanon yakubali kuwaondoa Hizbullah kusini

Zainab Aziz
30 Septemba 2024

Serikali ya Lebanon imesema ipo tayari kulitekeleza kwa ukamilifu azimio la Umoja wa Mataifa lenye lengo la kuondolewa kwa Hizbullah kusini mwa Mto Litani kama sehemu ya makubaliano ya kusimamisha mapigano na Israel.

https://p.dw.com/p/4lFeG
Lebanon Najib Mikati
Kaimu Waziri Mkuu wa Lebanon, Najib Mikati.Picha: Mohamed Azakir/REUTERS

"Sisi, Lebanon, tupo tayari kulitekeleza Azimio Namba 1701 na mara tu baada ya mapigano kusimamishwa tutakuwa tayari kulipeleka jeshi la Lebanon kusini mwa Mto Litani kutimiza majukumu yake kikamilifu kwa kushirikiana na jeshi la kulinda Amani la Umoja wa Mataifa," alisema Kaimu Waziri Mkuu wa Lebanon, Najib Mikati.

Wakati huo huo, wapiganaji wa Hizbullah wamesema wako tayari kukabiliana na uvamizi wowote wa ardhini wa Israel dhidi ya Lebanon.

Israel yashambulia katikati mwa Beirut

Naibu kiongozi wa kundi hilo, Naim Qassem, ameyasema hayo katika hotuba yake ya kwanza hadharani tangu Israel ilipomuua kiongozi wa Hizbullah, Hassan Nasrallah, wiki iliyopita.

Qassem alizungumza kutokea eneo lisilojulikana wakati Israel ikiendelea na mashambulizi ya anga kwenye mji wa Beirut na kwingineko nchini Lebanon.

Nini kinafuata Lebanon baada ya mauaji ya Nasrallah?

Makamanda kadhaa wa Hizbullah wameuliwa kutokana na mashambulizi ya Israel katika wiki mbili zilizopita.

Israel imewauwa pia zaidi ya watu wengine 1,000, wakiwemo wanawake na watoto, kwenye mashambulizi hayo yaliyosababisha wengine zaidi ya milioni moja kuyakimbia makaazi yao.