Rais wa Chad Idriss Deby Itno afanya ziara nchini Hungary

Msemaji wa serikali ya Hungary Zoltan Kovacs alichapisha picha za Rais Deby katika mtandao wa kijamii wa X akiwasili katika uwanja wa ndege wa Budapest.

Rais Derby kukutana na waziri mkuu wa Hungary Viktor Orban

Wakati wa ziara hiyo rasmi, Rais Derby anatarajiwa kukutana na waziri mkuu wa Hungary  Viktor Orban, ambaye ndiye mwenyeji wake. Ripoti za vyombo vya habari, zimeeleza kuwa viongozi hao wawili wanatarajiwa kujadili makubaliano ya usalama.

Mahusiano kati ya Hungary na Chad yameimarika kwa kasi katika kipindi cha mwaka uliopita, huku Hungary ikifungua kituo cha msaada wa kibinadamu na maendeleo pamoja na ujumbe wa kidiplomasia katika mji mkuu wa N'Djamena.

Nchi hizo mbili pia zimetia saini mikataba ya ushirikiano kuhusu kilimo na elimu.