Raia wa Sri Lanka wapiga kura ya kumchagua rais

Zoezi la upigaji wa kura katika uchaguzi mkuu wa kwanza wa Urais nchini Sri Lanka tangu mzozo mkubwa wa kiuchumi nchini humo limekamilika Jumamosi huku maafisa wakiripoti idadi kubwa ya watu waliojitokeza kushiriki zoezi hilo.

Maafisa wa uchaguzi wamesema hakukuwa na matukio makubwa ya kuhatarisha uchaguzi huo kote nchini humo. Zaidi ya maafisa wa polisi 60,000 wakiungwa mkono na vikosi vya usalama walisambazwa kote Sri Lanka kusimamia uchaguzi huo huku maafisa 250,000 wakisaidia katika kufanikisha mchakato huo wa uchaguzi.

Soma zaidi. Raia wa Sri Lanka wanapiga kura kumchagua rais leo

Zaidi ya watu milioni 17 walikuwa na sifa za kupiga kura katika vituo 13,421 nchini tangu saa moja asubuhi hadi saa kumi jioni kwa saa za Sri Lanka.

Itakumbukwa kuwa huu ni uchaguzi wa kwanza kufanyika tangu maandamano makubwa yaliyochochewa na mgogoro wa kiuchumi na yaliomuondoa madarakani Rais Gotabaya Rajapaksa mnamo mwaka 2022.