Putin yuko ziarani Kazakhstan kuimarisha uhusiano

Hayo ni wakati mivutano ikiongezeka kuhusiana na vita vya Ukraine. Akizungumza kabla ya kutua leo katika mji mkuu wa Kazakhstan Astana, Putin alisifu maadili ya kaitamaduni, kiroho kati ya nchi hizo mbili na akasema yuko tayari kukuza zaidi uhusiano wa kirafiki na kiushirika na Astana. Kazakhstan ni mwanachama wa muungano wa usalama unaoongozwa na Moscow wa CSTO lakini imeelezea wasiwasi kuhusu mzozo wa takriban miaka mitatu wa Urusi na Ukraine ambao Rais wa Kazakhstan Kassym-Jomart Tokayev amekataa kuuunga mkono. Mivutano imeongezeka kati ya Moscow na nchi za Magharibi kuhusiana na vita vya Ukraine, huku Urusi ikirusha kombora la majiribio la kasi kubwa dhidi ya jirani yake wiki iliyopita. Nayo Kyiv ilijibu kwa mara ya kwanza kwa kurusha kuelekea Urusi makombora ya masafa marefu yaliyotengenezwa na Marekani na Uingereza.