Putin ampongeza Xi kwa kuongezewa muhula wa tatu madarakani

Taarifa iliyotolewa na Ikulu ya Urusi, Kremlin, imeeleza kuwa Putin amemwambia Xi kwamba ana uhakika viongozi hao wawili wanaweza kuimarisha ushirikiano wao  katika masuala muhimu ya kikanda na kimataifa.

Kwa mujibu wa Putin, anaamini kwamba watafanya kazi pamoja na watahakikisha kwamba wanatanua ushirikiano wa kimkakati kati ya Urusi na China katika nyanja mbalimbali.

Bunge la Umma wa China, NPC leo limemchagua Xi kuwa rais wa nchi hiyo kwa muhula wa tatu, na kumfanya kuwa kiongozi mwenye nguvu zaidi China tangu utawala wa Mao Zedong. Bunge hilo pia limemchagua Zhao Leji kuwa spika wake na Han Zheng kuwa makamu mpya wa rais.