Ufilipino na Marekani kuanza luteka ya pamoja ya kijeshi

Mazoezi hayo ya kila mwaka yaliyopewa jina la Balikatan au "bega kwa bega", yatafanyika katika maeneo ya kaskazini na magharibi mwa taifa hilo la visiwa, karibu na maeneo ya Kusini mwa Bahari ya China na Taiwan.   

China inadai umiliki wa karibu ukanda mzima wa baharini, ambao ni njia muhimu ya biashara ya kimataifa na pia inaichukulia Taiwan kuwa sehemu ya eneo lake. Katika kukabiliana na ongezeko la ushawishi wa China, Marekani imekuwa ikiimarisha ushirikiano na nchi za  eneo la Asia na Pasifiki ikiwemo Ufilipino.

China imesema hii leo kuwa ipo tayari kusuluhisha mizozo ya baharini na nchi zingine kupitia njia ya mazungumzo lakini haitajiruhusu "kunyanyaswa", huku ikitoa wito wa kutegeuza Bahari kuwa eneo la kutunishiana misuli.