1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
JamiiTimor Mashariki

Papa aitaka Timor Mashariki kuepusha unyanyasaji wa watoto

9 Septemba 2024

Kiongozi wa Kanisa Katoliki duniani Papa Francis amewataka viongozi wa Timor Mashariki waepushe unanyanyasaji wa aina yoyote kwa vijana.

https://p.dw.com/p/4kQi4
Timor Mashariki | Papa Francis akiwasili mjini Dili
Papa Francis akiwasili katika uwanja wa ndege wa kimataifa wa Rais Nicolau Lobato alipowasili Dili, Timor MasharikiPicha: Guglielmo Mangiapane/REUTERS

Timor Mashariki yenye Wakatoliki wengi imekumbwa na mikasa ya watoto kudhulumiwa kingono inayowahusisha pia makasisi ikiwa pamoja na mshindi wa tuzo ya amani ya Nobel Askofu Carlos Ximenes, anayedaiwa kuwanyanyasa kingono, watoto wadogo kwa miongo kadhaa.

Papa Francis aliwasili leo nchini Timor Mashariki ikiwa ni nchi ya tatu katika ziara yake ya siku 12 kwenye eneo la Asia-Pasifiki.

Katika ziara hiyo ameshazitembelea Indonesia na Papua New Guinea na atamalizia safari hiyo ndefu kwa ziara ya nchini Singapore.

Kiongozi huyo wa Kanisa Katoliki duniani amesema watu wote wanao wajibu wa kufanya kila linalowezekana ili kuzuia kila aina ya dhulma na kuhakikisha maisha ya utulivu ya utotoni kwa vijana wote.