1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaUlaya

Mkuu mpya wa sera za kigeni wa Umoja wa Ulaya azuru Kyiv leo

Sudi Mnette
1 Desemba 2024

Mkuu mpya sera za kigeni wa Umoja wa Ulaya, Kaja Kallas na Rais wa Baraza la Ulaya Antonio Costa wamewasili Kyiv leo hii ikiwa ishara ya kuunga mkono Ukraine katika siku yao ya kwanza ofisini.

https://p.dw.com/p/4ncFi
Ukraine, Kyjiw | Costa, Kallas und Kos besuchen als neue EU-Spitze ukrainische Hauptstadt
Costa, Kallas na Kos watembelea mji mkuu wa Ukraine kama viongozi wapya wa Umoja wa Ulaya - Desemba 1, 2024 Picha: Ansgar Haase/dpa/picture alliance

Akizungumza na vyombo vya habari,Costaamesema wamewasili nchini humo kwa kubainisha ujumbe wa wazi kwamba wapo pamoja na Ukraine na wataendelea kuiunga mkono kwa dhati. Wakati ziara hiyo ikifanyika kiongozi wa kijeshi wa mji huo, Serhiy Popko amesema usiku wa kuamkia leo Urusi imefanya mashambulizi kwa kutumia droni katika viunga vya mji wa Kyiv. Hata hivyo hakujawa na taarifa za majeruhi. Katika kipindi cha takriban miaka mitatu ya vita vyake, Urusi mara kwa mara imekuwa ikifyatua makombora na droni katika maeneo ya makazi ya watu, mbali na maeneo ya mapambano, ikilenga haswa maeneo ya uzalishaji wa nishati katika kipindi hiki cha msimu wa baridi.