1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
Siasa

Mataifa ya magaharibi yataka timu ya UN kuchunguza Sudan

Zainab Aziz
5 Oktoba 2023

Nchi nne za Magharibi zimetoa pendekezo kwa Umoja wa Mataifa kuteua wataalam wa haki za binadamu watakaofuatilia na kutoa taarifa juu ya dhuluma na ukiukaji wa haki katika vita vya nchini Sudan.

https://p.dw.com/p/4X9Mw
Tunesien | Protest von Migranten vor UNHCR Hauptquartier in Tunis
Picha: Hassene Dridi/AP Photo/picture alliance

Uingereza, Ujerumani, Norway na Marekani zimetoa wito huo kwa Baraza la Haki za Binadamu kuwateua wajumbe watatu watakaochunguza na kubaini ukweli juu ya uhalifu dhidi ya wakimbizi, wanawake na watoto nchini Sudan iliyotumbukia kwenye machafuko na mvutano wa muda mrefu kati ya pande mbili za kijeshi.

Umoja wa Mataifa unakadiria watu wapatao 5,000 wameuawa na wengine zaidi ya12,000 wamejeruhiwa tangu mzozo huo uanze mnamo mwezi Aprili. Zaidi ya watu milioni 5.2 wameyakimbia makazi yao, pamoja na wengine wapatao milioni moja ambao wamevuka mpaka na kwenda nchi Jirani.

Umoja wa mataifa umesema karibu watu milioni 25 ambao ni nusu ya wakazi wa nchi ya Sudan wanahitaji misaada. Rasimu ya azimio hilo imepangwa kuletwa mbele yawanachama 47 wa baraza la haki mjini Geneva mwishoni mwa wiki ijayo, kabla kumalizika vikao vyake vya msimu huu wa mapukutiko.