1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaKorea Kusini

Mahakama Korea Kusini yatoa hati ya kukamatwa kwa Rais Yoon

31 Desemba 2024

Mahakama nchini Korea Kusini imeidhinisha hati ya kukamatwa kwa Rais Yoon Suk Yeol, ambaye alishitakiwa bungeni na kusimamishwa kazi. Yoon anakabiliwa na uchunguzi wa jinai.

https://p.dw.com/p/4ohNe
Watu wakitizama televisheni ikimuonesha Rais wa Korea Kusini Yoon Suk Yeol akitoa hotuba
Yoon amekwepa maombi kadhaa ya timu ya pamoja ya uchunguzi na waendesha mashtaka kufika kuhojiwaPicha: Ahn Young-joon/AP Photo/picture alliance

Ofisi ya Uchunguzi wa Ufisadi kwa Viongozi wa Vyeo vya Juu imethibitisha kuwa Mahakama ya Wilaya ya Seoul Magharibi iliidhinisha hati iliyoombwa na maafisa wanaochunguza hatua aliyoichukua Yoon ya kutangaza sheria wa kijeshi iliyodumu kwa muda mfupi Desemba 3.

Hii ni mara ya kwanza hati ya kukamatwa imetolewa dhidi ya rais aliyeko madarakani nchini Korea Kusini. Yoon anakabiliwa na uchunguzi wa jinai kuhusu madai kuwa alikuwa kiongozi wa mpango wa uasi.

Uasi ni mojawapo ya mashtaka machache ambayo rais wa Korea Kusini hana kinga. Haijabainika ni lini au ni vipi hati ya kukamatwa kwa Yoon itatekelezwa. Idara ya usalama wa rais ya Korea Kusini imesema katika taarifa kwamba itashughulikia hati hiyo ya kukamatwa kwa mujibu wa taratibu za kisheria. Mmoja wa mawakili wake amesema kuwa waranti huo ni kinyume cha sheria na batili. Ameongeza kuwa taasisi inayofanya uchunguzi wa kiongozi huyo haina mamlaka ya upelelezi.